Tag Archives: from pop to mom

Overnight Transformation from Pop to Mom

Haal hi mein mujhe Pop to Mom banane ka avsar prapt hua. Meri patni kuch dinon ke liye videsh ja rahin thin. Aur ghar par bachon ki dekh baal ke liye maine daftar se chutti li. Daftar walon ko mera bada Thank You (chutti dene ke liye). Ab ghar par ye sab prashn uthne lage. Kitne din ke liye Mama ja rahin hain? Kab aayengi? Kahan-2 ja rahi hain? Aur ye sab pashn karne waale kaun? Nanhe balak. Kahin bhi jaane se pehle kuch rush to ho hi jaata hai. Last minute packing se kaise bhaag sakte hain. Smartphone aur ek spare smartphone. Camera kis phone ka accha hai? Battery life? Spare pocket camera? Charger rakh liya kya? Aur haan, universal travel adapter ko kaise bhool sakte hain.

Phir hum aaye ticket print, passport print, insurance print, ityadi par. Jab sab kuch double check ho gaya or spare prints separate bag ki bahari pocket mein rakh liye tab hum chale airport ke liye. Airport, yaani T3 hawaii adda. Wah! Kya zabardast hai. Dil khush ho jaata hai wahan jaa ke. Flight ke departure time se kaafi pehle hum T3 pahunch gaye. Gaadi ko parking mein nahing lagaya. Bus wahin bahar sadak se hi bye kar di. Aur ghar aa gaye. Kuch ghante baad patni ne phone per confirmatory message bhej diya-Boarded. Aur hum sab so gaye.
Agli subaha jab mein utha to MOM ban chuka tha.

Do bachche full time sambhalna koi choti baat nahin hoti. Unki dekh baal, khana-peena, holidays homework, screen time restrictions, khel kood, ghumna-phirna, choti-moti shopping, yaani ki sab kuch ek mom ko karna hota hai. Is sab ke beech mein apne liye samay nikal paana mushkil hota hai. Ek mom ko sirf tabhi samay milta hai jab bachche so rahe hote hain. Ya to unse pehle uth jaayen ya phir unke sone ke baad apne liye kuch samay nikaaliye.
n
Yahi ek mom kik life hai.